واقع حال

- عشنا سنينا بس نحلم بتغيير
وأنقاذ البلد من جور بعثيه
- خرجنا على الظلم ثوار والتسعين
تشهد بالعصي نطلب الحريه
- ولن رأس الكفر تتضامن ويا ابليس
الامس فرضت عليه احكام دوليه
- وانتاج التضامن صدروا قانون
ضدنا وطبقوه احكام عرفيه
- لكن هالتضامن بينهم مادام
من طب الكويت وكَال محميه
- هنا صار التحول والنظام جديد
تغير من رئاسي لبرلمانيه
- ولن وجه الفرح لاح النا من بعيد
- كَلنا الخير أجانا ويا الافنديه
- راد يزورنا من شافنا مكيفين
- وحالوا بينا وبينه انتهازيه
- ما همنا الحكم ولـ يا فريق ايصير
لان ماكو فرق سنيه شيعيه
- المهم دستوركم ما كو تمايز بيه
كلنا اخوان نكبر بالاقليه
- سلامٌ يا علي يالصنفيت الناس
الاخو بالدين لو خوة انسانيه
- أسَف ما تم فرحنا ايام معدودات
اتضح خيط الامل احلام وهميه
- تسللتوا لمناصب بالحجي المعسول
صدعتو روسنا بكلمة شفافيه
- طفح زيفكم حاولتو تغطوه
سميتو التحاصص اتفاقيه
- بدلتو الرفيق باسم حجي وشيخ
وبدلتو الرفيقه باسم علويه
- بكَتونا وسكتنا وكَلنا معتازين
راتبكم ميكفي لسهرة ليليه
- منحناكم فرص ردناكم تصِلحون
اطلعنا عـللنتائج كلها سلبيه
- تواطئتو ومشيتو وي قطيع انجاس
الوضع قاموسهم شلة ارهابيه
- خلا قاموسهم من مفردة انسان
فارغ محتواه بس عقد نفسيه
- زرعتوا التفرقه وما همكم المذبوح
من أي طائفه همكم الخرجيه
- يالبعتوا الارض والعرض والتاريخ
متخجلون من صرتوا انبطاحيه
- صيركم نضجنا بهالحجم بل دون
صرتوا بل معاني وقيم شخصية
- مأسينا بسببكم هسه تتبرون
وياهو اللي نلزمه يكَول شعليه
- لا للكَال منكم انا ما مسؤول
مو كلكم اكلتو بفرد صينيه
- واذا تنكر أكَلك سولف شسويت
بقضية سبايكر , سبي اليزيديه
- لتكَول شجبت واستنكرت ميفيد
العراق بها الحجي زادت مأسيه
- التواطىء والمشى وي كل فكر تكفير
اكره صورته والجاب طاريه
- اكره فكر داعش واليرحب بي
لأن خلطة اصابع يد وهابيه
- اكره كل سياسي اليركب الموجات
شرق رايح شمال ويوم غربيه
- تسيره المصلحه ويا الجنوب يروح
ما همه الشعب بس همه كرسيه
- اكره وانا كَلبي من الحقد مفروغ
لان انا العراقي ودغش مابيه
- تعودنا اليتم والدمع سرب الام
صبرنا ومن صبرنا باقي شويه
- وصفى نوح الثكالى مو ونين وشوكَـ
يعري زيفكم نوح العراقيه
- قررت التظاهر ارجع التاريخ
لكن ابتديها اليوم سلميه
- وما اريد اليصفكَـ لو بدا التصويت
ادري الما يحس ميقدر البيه
- وما اريد القرار يفصله مسؤول
يحكم بالعراق بغير جنسيه
- انا اللي افصل وانا اخيط الثوب
واذا يكَصر عليّ افتكَـ تواليه
واذا يكَصر عليّ افتكّـ تواليه




























علي أبوالهيل سعودي

25/مارس/2016

https://www.facebook.com/ali.abualhail.9?fref=ts